Thursday, July 3, 2008

love is life

તું હવા જેવું અડે ને ભીતરે કૈં ઝલમલે

ઝેર નજરુંના ચડે ને ભીતરે કૈં ઝલમલે

કયાંકથી આવી ચડે જો મ્હેંક પાછી આંગણે

કાન પર પગરવ પડેને ભીતરે કૈં ઝલમલે

ભવ્ય એ ખંડેરમાં ભૂલો પડું હું તે ક્ષણે

ચીજ તારી કો જડે ને ભીતરે કૈં ઝલમલે

શૂન્યવત્ ઊભું રહે આ ઝાડ ફેલાવી વિટપ

વેલ વિંટાતી થડે ને ભીતરે કૈં ઝલમલે

કંટકોને અવગણી લે, બોરડી વિંઝોળ તું

બોર રાતાંચટ્ટ દડે ને ભીતરે કૈં ઝલમલે

No comments: